Бош вазир Қирғизистонни хушмуомала кишилар мамлакатига айлантирмоқчи, деб ёзади «24.kg» Жумарт Отарбоев баёнотига таяниб.
Ҳукумат раҳбари уни Йўл-патрул хизмати ходимлари билан боғлиқ ҳодисалар ғазаблантирганини айтди. «Ҳали-ҳамон фуқароларга нисбатан қўполлик ва сурбетлик кузатилмоқда. Шундоғам одамларнинг милицияга нафрати чексиз, ЙПХ эса энг кўп маломатга қолмоқда. Бир кун аввал ЙПХ раҳбарияти билан учрашиб, уларга ОАВдан автоинспексия ходимлари хатти-ҳаракатларини кузатишни сўрашимни айтдим. Давлат органи томонидан қўполликка учраган киши ОАВ орқали нажот топиши лозим», — деди у Қирғизистондаги ОАВлар раҳбарлари билан ўтган учрашувда.
Бош вазир икки томонлама коммуникация алоқаси бўлиши лозимлигини қўшимча қилди. «Биз хушмуомала кишилар мамлакатини яратишимиз лозим. Биз ОАВлардаги барча хабарларга жавоб қиламиз», — деди у.
Изоҳ (0)