AQShning Shimoliy Karolina shtatida Gastoniya shahri yaqinida maktab avtobusi ag‘darilib ketdi, deya xabar bermoqda “TASS” mahalliy hukumatga tayanib. Avtobusda 40 dan ziyod o‘quvchi bo‘lgan, ularning 14 nafari kasalxonaga yotqizilgan.
Maktab o‘quvchilarining barchasi va haydovchi qutqaruv xizmati xodimlari yetib kelguniga qadar transport vositasidan chiqib olishga muvaffaq bo‘lgan. Shifokorlarning aytishicha, jabrlanganlarning hayoti xavf ostida emas.
Dastlabki ma’lumotlarga ko‘ra, avtohalokatga texnik nosozlik sabab bo‘lgan bo‘lishi mumkin.
Izoh (0)