Ўтган ҳафта мобайнида республикамиз ҳудудида 210 та ёнғин ҳодисалари содир бўлди, дея хабар бермоқда Ички ишлар вазирлиги матбуот хизмати.
Турли сабабларга кўра содир бўлган ёнғинларда 8 нафар фуқаро тан жароҳатлари олган ва 5 нафар фуқаро ҳалок бўлган. Ушбу ёнғинларда 576 миллион 697 минг сўмдан ортиқ қурилиш материаллари ва 420 миллион 475 минг сўмга яқин моддий бойликлар ёнғиндан сақлаб қолинган.
Фарғона вилояти Ёзёвон туманида яшовчи Х.Содиқовнинг уйида хонага ўрнатилган қўлбола электр иситиш печини ёқиб назоратсиз қолдириш оқибатида ёнғин содир бўлиб, уйнинг 15 кв. метр майдонда пол қисми ва кўрпа-тўшаклари ёниб зарарланган. Ёнғин ўчириш вақтида уй эгасининг 1 ёшли набирасининг куйган ҳолдаги жасади топилган.
Изоҳ (0)