O‘zbekiston bozorlarida yaqindan boshlab Elephone kompaniyasining P2000 modelidagi smartfoni sotila boshladi, deya xabar bermoqda “Mobinfo.uz”.
Biometrik datchikka qo‘shimcha ravishda yangi smartfon NFC texnologiyasida ham ishlay oladigan bo‘ldi. Shunisi qiziqki, barmoq izini nafaqat telefonni blokdan chiqarish uchun, balki o‘yinlar, dasturlar, SMS, galereya va boshqalarni ochish uchun ham o‘rnatish mumkin.
Elephone P2000 5,5 dyuymli 1280×720 pikselli displey, 8 yadroli MediaTek MT 6592 protsessori, 2 Gb tezkor va 16 Gb ichki xotiraga ega bo‘ldi. Shuningdek, u 13 megapikselli asosiy va 8 megapikselli old kamera, 2650 mA/s sig‘imli akkumulyator batareyasi bilan jizohlandi.
Qurilma Android 4.4 KitKat operatsion tizimida ishlaydi. Korpusi 7,6 millimetr qalinlikka ega.
Poytaxtdagi “Fleshka” savdo majmuasida Elephone P2000 875 ming so‘mdan sotilmoqda.
Izoh (0)