Elephone P2000 смартфони Ўзбекистонда 875 минг сўмдан сотила бошлади

Ўзбекистон бозорларида яқиндан бошлаб Elephone компаниясининг P2000 моделидаги смартфони сотила бошлади, дея хабар бермоқда «Mobinfo.uz».

Биометрик датчикка қўшимча равишда янги смартфон NFC технологиясида ҳам ишлай оладиган бўлди. Шуниси қизиқки, бармоқ изини нафақат телефонни блокдан чиқариш учун, балки ўйинлар, дастурлар, SMS, галерея ва бошқаларни очиш учун ҳам ўрнатиш мумкин.

Elephone P2000 5,5 дюймли 1280×720 пикселли дисплей, 8 ядроли MediaTek MT 6592 процессори, 2 Гб тезкор ва 16 Гб ички хотирага эга бўлди. Шунингдек, у 13 мегапикселли асосий ва 8 мегапикселли олд камера, 2650 мА/с сиғимли аккумулятор батареяси билан жизоҳланди.

Қурилма Android 4.4 KitKat операцион тизимида ишлайди. Корпуси 7,6 миллиметр қалинликка эга.

Пойтахтдаги «Флешка» савдо мажмуасида Elephone P2000 875 минг сўмдан сотилмоқда.