Amerikaning BLU kompaniyasi 3G-aloqa moduli bilan jihozlangan Studio 7.0 smartfonini chiqardi, deya xabar bermoqda “Korrespondent.net”.
Odatda 6—7 dyuymli displeydan iborat qurilmalar fablet yoki telefon funksiyalariga ega bo‘lgan planshet deb ataladi. Biroq firma o‘zining yangi qurilmasini “dunyodagi birinchi 7 dyuymli smartfon” deb e’lon qildi.
BLU Studio 7.0 1024×600 pikselli 7 dyuymli displey, ikki yadroli 1,3 GGs MediaTek protsessori, 1 Gb tezkor, 8 Gb ichki xotiraga ega bo‘ldi. Shuningdek , unda 5 megapikselli asosiy va 2 megapikselli old kamera, 3G HSPA+ uyali kommunikatsiyalar, 3000 mA/s sig‘imiga ega batareya bor.
Qurilma korpusining qalinligi 9,4 millimetr, og‘irligi 294 grammga teng, u Google Android 4.4.2. KitKat operatsion tizimida ishlaydi.
BLU Studio 7.0 oq, kulrang va tillarang korpuslarda sotuvga chiqarildi. U Amazon’da 150 dollardan sotilmoqda.
Izoh (0)