Forbes jurnali Rossiyaning YotaPhone 2 smartfonini muvaffaqiyatli mahsulot deb atadi, deya xabar bermoqda “RIA Novosti”. Nashr yozishicha, jozibali ko‘rinish bilan birga, smartfon yaxshi texnik xususiyatlarga ega.
Forbes mutaxassisi Evan Spens fikricha, Rossiyaning Yota Devices kompaniyasi yangi gadjetda zamonaviy smartfon uchun zarur bo‘lgan asosiy sifatlarning barchasini jamlashga muvaffaq bo‘lgan.
Shuningdek, jurnalist ishlab chiquvchilar smartfonning birinchi modeli foydalanuvchilarining fikrlarini inobatga olib, ekranni kattalashtirganini qayd etdi.
YotaPhone 2’ga yozilgan sharh yakunida Spens gadjetlar ishqibozlariga “2014-yilning eng inqilobiy smartfoni” yoqib tushishini xulosa sifatida keltirdi.
Eslatib o‘tamiz, YotaPhone 2 3-dekabr kuni Londonda taqdim etildi. Smartfon ikkita ekranga ega ekanligi bilan boshqalardan ajralib turadi. Asosiy displeyi 1920×1080 pikselli 5 dyuymli rangli ekran bo‘lsa, ikkinchisi “elektron siyoh” texnologiyasi asosidagi 960×540 pikselli 4,7 dyuymli oq-qora orqa ekrandir.
Oq-qora ekranda telefonni blokdan chiqarmasdan turib, asosiy ekrandagi ma’lumotlarni ko‘rish mumkin, bu qurilmaga bir marta olgan quvvatni 50 soatgacha yetkazish imkonini beradi.
Izoh (0)