Ayni paytda Toshkentdagi eng gavjum chorrahalarda videokuzatuv tizimini o‘rnatish ishlari olib borilmoqda, deb yozadi “Podrobno.uz”. Biroq ushbu tadbir kelajakda boshqa bir muammoga — jarima joylarining to‘lib qolishiga olib kelishi mumkin.
Toshkent Arxitektura va qurilish bosh boshqarmasi boshlig‘i Asomiddin Tojiyevning nashrga ma’lum qilishicha, yo‘llarda kuzatuv kameralari paydo bo‘lishi bilan jarima solingan mashinalar soni sezilarli darajada ko‘payadi.
Bugungi kunda poytaxtda avtomobillar uchun sakkizta jarima maydonlari faoliyat yuritadi. Shahar hokimiyati Toshkentning alohida tumanlarida qo‘shimcha jarima joylari qurilishi bo‘yicha masalani ko‘rib chiqmoqda. Birinchi bosqichda hokimiyat jarima maydonlari sonini 11 taga yetkazmoqchi.
Izoh (0)