General Motors Russia PR-direktori S. Lepnuxov O‘zbekistonda ishlab chiqarilayotgan avtomashinalarga ijobiy baho berdi. Bu haqda u Parijda ochilgan Mondial de Automobile 2014 xalqaro avtomobil salonida aytib o‘tdi, deb yozadi Ziv.ru.
Lepnuxov xususan O‘zbekistonda tayyorlanadigan, Rossiyaga o‘tgan yildan yetkazila boshlagan va allaqachon ommalashib ulgurgan Chevrolet Cobalt haqida gapirib o‘tdi.
“Ushbu avtomashina ildam rivojlanayotgan, kichik va ixcham, biroq qulay bo‘lgan ‘B’ sektori vakili hisoblanadi. U Rossiya bozorida o‘z raqobatchilari bilan tengma-teng musobaqalashmoqda”, — dedi u.
Lepnuxov O‘zbekistonda ishlab chiqarilayotgan avtomashinalar sifati haqida gapirar ekan, ularning AQSh, Yevropa va Osiyo mamlakatlari, Rossiya Federatsiyasida joylashgan boshqa General Motors korxonalaridan hech ham ortda qolmayotganini ta’kidladi.
Izoh (0)