GM Uzbekistan 2014-yilning yanvar—sentabrida Rossiyaga mashina sotish hajmini 27 foizga kamaytirdi

GM Uzbekistan AJ QK 2014-yilning yanvar—sentabr oylarida Rossiyaga avtomobil sotish hajmini o‘tgan yilning shu davriga nisbatan 27 foizga kamaytirdi. Bu haqda Yevropa biznesi uyushmasi Avtomobil ishlab chiqaruvchilar qo‘mitasiga tayanib UzDaily xabar berdi.

To‘qqiz oy davomida Rossiyaga jami 31,653 mingta mashina sotilgan, biroq aynan qaysi modellar qanday hajmda sotilgani haqida ma’lumot taqdim etilmadi.

Sentabrda o‘tgan yilning shu oyiga nisbatan savdo-sotiq hajmi 64 foizga kamayib, 2,35 ming donagacha tushib ketdi.

2014-yilning yanvar—sentabrida GM Uzbekistan AJ QK ning Rossiya bozoridagi ulushi 1,8 foizni tashkil etdi, o‘tgan yilgi ko‘rsatkich esa 2,1 foizga teng bo‘lgan.

2014-yilning to‘qqiz oyi yakunlari bo‘yicha GM Uzbekistan Rossiyada avtomobillar savdosi hajmi bo‘yicha 19-o‘rinni egalladi. Korxonaning hech qaysi modeli hisobot davrida Top-25 bestsellerlar ro‘yxatiga kirmadi.