General Motors Russia PR-директори С. Лепнухов Ўзбекистонда ишлаб чиқарилаётган автомашиналарга ижобий баҳо берди. Бу ҳақда у Парижда очилган Mondial de Automobile 2014 халқаро автомобиль салонида айтиб ўтди, деб ёзади Ziv.ru.
Лепнухов хусусан Ўзбекистонда тайёрланадиган, Россияга ўтган йилдан етказила бошлаган ва аллақачон оммалашиб улгурган Chevrolet Cobalt ҳақида гапириб ўтди.
«Ушбу автомашина илдам ривожланаётган, кичик ва ихчам, бироқ қулай бўлган ‘B’ сектори вакили ҳисобланади. У Россия бозорида ўз рақобатчилари билан тенгма-тенг мусобақалашмоқда», — деди у.
Лепнухов Ўзбекистонда ишлаб чиқарилаётган автомашиналар сифати ҳақида гапирар экан, уларнинг АҚШ, Европа ва Осиё мамлакатлари, Россия Федерациясида жойлашган бошқа General Motors корхоналаридан ҳеч ҳам ортда қолмаётганини таъкидлади.
Изоҳ (0)