GM Uzbekistan aksiyadorlik jamiyati yaqin bir necha yil ichida o‘z lineykasini kamida uchta yangi model, shu jumladan miniven va krossover bilan to‘ldirmoqchi, deya xabar bermoqda UzDaily.
2016-yilning o‘rtalarida bozorga chiqishi mo‘ljallangan ilk yangi modellardan biri keyingi avlod Nexia sedani bo‘ladi, deb yozadi Autoconsulting.com.ua.
Shuningdek, ikki yildan so‘ng eski Chevrolet Lacetti bazasidagi Gentra modelining yangilangan varianti savdoga chiqadi.
Ishlab chiqaruvchining va’da berishicha, sedanning eksteryeri va saloni tuzilishi o‘zgaradi. Olib borilayotgan restayling bo‘yicha hozircha batafsil ma’lumot berilmadi.
2017-yilda korxona miniven va B sinfidagi xetchbekni taqdim etishni rejalashtirmoqda, u Datsun mi-Do xetchbek avtomobiliga raqobardosh bo‘la oladi.
2018-yildan so‘ng kompaniya ishlab chiqarish lineykasini qimmat bo‘lmagan krossover bilan kengaytirmoqchi.
Eslatib o‘tamiz, GM Uzbekistan T250 (Aveo) modelidagi avtomobillarni seriyali ishlab chiqarishni yo‘lga qo‘ymoqda. O‘zbekiston hukumati 2014-yil 11-sentabrda ushbu loyihani amalga oshirish bo‘yicha qarorni imzoladi.
Izoh (0)