GM Uzbekistan 2015—2020-yillarda yangi modellarni ishlab chiqarishga 150 million dollar yo‘naltiradi, deya xabar bermoqda UzDaily “RIA Novosti”ga tayanib.
Nashr manbasi so‘zlariga ko‘ra, gap uchta yangi model haqida bormoqda. “150 million dollar — bugungi kunda rejalashtirilayotgan investitsiyalar, ularning hajmi o‘zgarishi mumkin”, — deya aniqlik kiritdi agentlik suhbatdoshi.
Uning aytishicha, 2016-yilda Gentra biznes-klass sedani restaylingini amalga oshirish, 2017-yilda Aveo modeli bazasida B sinfidagi xetchbekni seriyali ishlab chiqarishni yo‘lga qo‘yish, 2018-yildan so‘ng esa krossover yig‘ishni boshlash ko‘zda tutilgan.
Avvalroq 2015-yilning birinchi yarmida GM Uzbekistan kichik sinfdagi Chevrolet Aveo avtomobilini SKD (semi knocked down — yarim bo‘laklangan avtomobillarni yig‘ish) turida yig‘ishga kirishishi mumkinligi xabar berilgan edi. Dastlabki bosqichda yig‘ish liniyasining quvvati yiliga 20 mingtagacha avtomobilni tashkil etishi mumkin.
Izoh (0)