Rossiya Xavfsizlik kengashida runetni global internetdan uzib qo‘yishni muhokama qilishadi

Rossiya Xavfsizlik kengashida internetning Rossiya segmentini global tarmoqdan vaqtinchalik uzib qo‘yish imkoniyati muhokama etiladi, deya xabar bermoqda “Vedomosti”.

Nashrning yozishicha, bunday chora-tadbirlar runet suverenitetini mustahkamlovchi protseduralar sifatida amalga oshirilishi mumkin. Ya’ni shu tariqa mamlakatda harbiy harakatlar yoki norozilik namoyishlari kabi favqulodda holatlar chog‘ida davlat internetning Rossiya segmentini tashqi dunyodan uzib qo‘yishi mumkin bo‘ladi.

Bundan tashqari, amaldorlar domenlar ustidan ma’murlikni davlat tashkilotlariga topshirishni muhokama qilmoqchi. Manbalar bergan ma’lumotga ko‘ra, Aloqa federal agentligi (“Rossvyaz”) bunday ma’murga aylanishi mumkin.