Rim papasi Fransisk Italiya shimoli-sharqidagi Goritsiya provinsiyasida joylashgan Redipulya Avstriya-Vengriya yodgorlik qabristonida bo‘lib o‘tgan tantanali ibodatda qatnashdi. U Birinchi jahon urushining 100 yilligiga bag‘ishlangan marosimlarda ishtirok etish uchun u yerga tashrif buyurgan edi, deb yozadi Ria56.ru.
O‘n ming kishi oldida nutq so‘zlar ekan, pontifik “barcha davrlardagi barcha urushlar”ni qoralab, Uchinchi jahon urushi qisman “boshlanib bo‘lgan”ini ta’kidladi.
“Urush — bu aqlsizlik! Urushlar avlodlar orzu-umidlarini yo‘qqa chiqaradi. Uchinchi jahon urushi esa allaqachon qisman boshlandi”, — dedi u.
Avvalroq Rim papasi Ukraina hududidagi harbiy harakatlarga nisbatan bir necha bor norozilik bildirgan, Donbassdagi janglarni to‘xtatishni talab qilgan edi.
Izoh (0)