G‘arb sanksiyalariga javob choralarining ikkinchi to‘plami tayyor, biroq Rossiya sog‘lom fikr baland kelib, ularga zaruriyat tug‘ilmasligiga umid qilmoqda. Bu haqda Rossiya prezidenti yordamchisi Andrey Belousovga tayanib, “RIA Novosti” xabar berdi. Uning so‘zlariga ko‘ra, javob choralari bu safar avtomobil va ba’zi yengil sanoat mahsulotlari importiga taalluqli bo‘lishi mumkin.
“Bizda yevropalik sheriklarimiz asosan bizdan oladigan qishloq xo‘jaligiga tegishli bo‘lmagan mahsulotlarning qator ro‘yxati bor. Bular, masalan, avtomobil, ba’zi yengil sanoat mahsulotlari va kiyim-kechaklarga tegishlidir”, — dedi Belousov.
Shu bilan birga, u Rossiyaning sanksiyalarga javobi mahalliy ishlab chiqaruvchilar va iste’molchilarga zarar yetkazmasligi, aksincha ularni qo‘llab-quvvatlashi kerakligini aytdi.
“Bilishimcha, hozir iqtisodiy taraqqiyot vazirligi ushbu ro‘yxatni tayyorlab qo‘ygan. Biroq umid qilamanki, sog‘lom fikr ustun keladi va biz javob choralarini qo‘llashimizga hojat qolmaydi”, — deya qo‘shimcha qildi Putin yordamchisi.
Izoh (0)