Рим папаси Франциск Италия шимоли-шарқидаги Гориция провинциясида жойлашган Редипулья Австрия-Венгрия ёдгорлик қабристонида бўлиб ўтган тантанали ибодатда қатнашди. У Биринчи жаҳон урушининг 100 йиллигига бағишланган маросимларда иштирок этиш учун у ерга ташриф буюрган эди, деб ёзади Ria56.ru.
Ўн минг киши олдида нутқ сўзлар экан, понтифик «барча даврлардаги барча урушлар»ни қоралаб, Учинчи жаҳон уруши қисман «бошланиб бўлган»ини таъкидлади.
«Уруш — бу ақлсизлик! Урушлар авлодлар орзу-умидларини йўққа чиқаради. Учинчи жаҳон уруши эса аллақачон қисман бошланди», — деди у.
Аввалроқ Рим папаси Украина ҳудудидаги ҳарбий ҳаракатларга нисбатан бир неча бор норозилик билдирган, Донбассдаги жангларни тўхтатишни талаб қилган эди.
Изоҳ (0)