Braziliyaning Rio-de-Janeyro shahrida o‘yinchilar ishlab chiqaradigan kinetik energiya (mexanik harakat energiyasi) yordamida yoritiladigan futbol maydoni ochildi. Ushbu stadion ochilishiga braziliyalik afsonaviy futbolchi Pele ham tashrif buyurdi, deya xabar bermoqda Eurofootball.ru.
Maydondagi chim ostiga 200 ta kichik toshtaxtalar joylashtirilgan bo‘lib, ular stadionda harakatlanayotgan o‘yinchilar ishlab chiqaradigan energiyani to‘playdi. Kunduz kuni ularga maydon atrofiga o‘rnatilgan quyosh batareyalari yordam beradi. Shu tariqa, u yerda elektr energiyasiga sarf-xarajatlarsiz kun-tun futbol o‘ynash mumkin.
Ta’kidlash joiz, bunday panellar Yevropadagi ba’zi temir yo‘l stansiyalari, Avstraliyadagi savdo markazlari va Londondagi Xitrou aeroporti qoplamalariga o‘rnatilgan, biroq futbol maydoni qurilishida ular ilk marotaba qo‘llanildi.
Izoh (0)