“Sport” telekanali Ravshan Ermatov boshqaradigan Rossiya — Ozarbayjon uchrashuvini translyatsiya qilishni rejalashtirmayapti

Bugun Toshkent vaqti bilan 20:00 da Ravshan Ermatov Rossiya va Ozarbayjon termalari o‘rtasidagi uchrashuvni boshqaradi. “Sport” kanalidagi manbamizning ma’lum qilishicha, o‘yinni namoyish etish rejalashtirilmayapti.

3—6-sentabr kunlari yana boshqa qator o‘yinlar, jumladan, Germaniya — Argentina, Angliya — Norvegiya, Marokash — Qatar, Irlandiya — Ummon, Belgiya — Avstraliya, Italiya — Gollandiya, Fransiya — Ispaniya, Yaponiya — Urugvay, Braziliya — Kolumbiya uchrashuvlari bo‘lib o‘tadi.

Manbamiz so‘zlariga ko‘ra, ba’zi o‘yinlar yozib olinib, ertasi kuni ko‘rsatilishi mumkin.

“Sport” kanali 4-sentabr kuni O‘zbekiston — Iordaniya va 8-sentabr kuni O‘zbekiston — Yangi Zelandiya o‘rtoqlik uchrashuvlarini namoyish etadi. Translyatsiyalar 19:00 da boshlanadi.