Android smartfonlariga ulanadigan va inson nafasi orqali uning qonida qancha alkogol miqdori borligini aniqlab beradigan gadjet konsepti yaratildi. Bu haqda TechCrunch ma’lumotiga asoslanib “Parol” nashri xabar berdi.
Gadjet DrinkMate deb nomlanadi va u loyihalarni qo‘llab-quvvatlash uchun pul yig‘iladigan sayt – Kickstarter’ga joylangan. Ushbu gadjet ishlab chiqarilishi uchun 40 000 dollar zarur. Hozirda bu gadjet uchun zarur bo‘lgan mablag‘ning yarmi yig‘ilgan. U ishlab chiqarilsa, 25 dollardan sotilishi mumkin.
DrinkMate smartfonning USB-portiga ulanadigan 4,5 santimetr uzunlikka ega qurilmadir. U silindr shakliga ega va unga puflab qon tarkibidagi alkogol miqdorini aniqlash mumkin. Gadjetni og‘izga tiqish shart emas, unga faqat nafas yetib borsa bo‘ldi.
Izoh (0)