Facebook’dagi Potrbitel.uz guruhi a’zolaridan biri Artel onlayn-do‘koni va Toshkentdagi “Fleshka” savdo majmuasidagi narxlarni solishtirib, Artel Perfect1 smartfoni internet-do‘konda pastroq narxda sotilayotganini aniqladi.
“Bunga amin bo‘lish maqsadida smartfonni buyurtma qildim va saytda belgilangan narxda — 648 ming so‘mga to‘lovni terminal orqali kiritib sotib oldim”, — dedi foydalanuvchi. Shuningdek, u buyurtmani hech qanday muammosiz bir soat ichida keltirib berishganini qo‘shimcha qildi. “Mamlakatimizda bunday xizmatlar borligidan mamnun bo‘ldim”, — deya o‘z xursandchiligi bilan bo‘lishdi iste’molchi.
Postga fikr bildirganlarning bir qismi ham o‘zlarining Artel onlayn-do‘koni bilan bog‘liq ijobiy taassurotlari bilan bo‘lishdi. Ulardan biri yaqinda changyutgich buyurtma qilib, xarididan mamnun qolganini yozgan. Yana kimdir do‘kondan televizor sotib olmoqchiligi haqida yozib, yetkazib berish poytaxt bo‘yicha bepulligi, viloyatlarga esa kelishilgan narxda yetkazib berilishi katta qulaylik ekanligini ta’kidlagan.
Postga salbiy fikr bildirib, “Fleshka” majmuasida arzonroqqa sotib olish mumkinligini yozganlar ham bo‘ldi. Biroq mutlaq ko‘pchilik Artel onlayn-do‘koni xizmatlari va P1 smartfoni bilan qiziqib qolganini, yaqin orada uning xizmatlaridan albatta foydalanib ko‘rmoqchiligini qayd etgan.
Eslatib o‘tamiz, Artelmarket.uz sayti yordamida iste’molchilar O‘zbekistonda ishlab chiqarilayotgan sovutgichlar, konditsionerlar, kir yuvish mashinalari, oshxona plitalari, o‘rnatma texnika, televizorlar, mini pechlar, mobil telefonlar, changyutgichlarni sotib olishi mumkin. Saytda mahsulotlar haqida to‘liq ma’lumotlarni ham topish mumkin.
Internet-do‘kon hech qanday uzilishlarsiz ishlamoqda. Do‘kon “tanla — buyurtma ber — xarid qil” tizimi asosida ishlaydi va bu mahsulotning narxiga hech qanday ta’sir o‘tkazmaydi. Faol reklama qilinmayotganligiga qaramay, internet do‘kon aholi orasida ommabop bo‘lib, har kuni bir necha buyurtmalar kelib tushmoqda. Shu bilan birga, saytning yana bir afzalligi shundaki, xarid qilingan mahsulotlar Toshkent shahri bo‘ylab bepul yetkazib beriladi.
Artel Perfect1 ikki SIM-kartali smartfon bo‘lib, Jelly Bean Android 4.2.2 operatsion tizimida ishlaydi. Apparat 4,7 dyuymli 1280×720 o‘lchamdagi ekranga ega.
Smartfon 4 Gb ichki va 1 Gb tezkor xotira bilan ta’minlangan. 32 Gb gacha tashqi xotira kartasini o‘rnatish mumin. 8 va 2 megapikselli orqa va old kameralari bor.
Artel Perfect1 oq va qora korpuslarda taqdim etiladi. Telefonning o‘lchami 134×68×7,9 mm, og‘irligi 122 grammni tashkil etadi.
Smartfon mini-USB simi, naushnik, kafolat taloni (bir yillik kafolat va bepul xizmat), foydalanish ko‘rsatmalari kitobchasi bilan birga sotiladi.
Aprel oyida Artel Perfect1 poytaxt savdo rastalarida 650 ming so‘mdan sotuvga chiqqan, iyun oyiga kelib esa uning narxi 600 ming so‘mgacha arzonlashgani xabar berilgan edi.
Izoh (0)