Android смартфонларига уланадиган ва инсон нафаси орқали унинг қонида қанча алкоголь миқдори борлигини аниқлаб берадиган гаджет концепти яратилди. Бу ҳақда TechCrunch маълумотига асосланиб «Пароль» нашри хабар берди.
Гаджет DrinkMate деб номланади ва у лойиҳаларни қўллаб-қувватлаш учун пул йиғиладиган сайт – Kickstarter’га жойланган. Ушбу гаджет ишлаб чиқарилиши учун 40 000 доллар зарур. Ҳозирда бу гаджет учун зарур бўлган маблағнинг ярми йиғилган. У ишлаб чиқарилса, 25 доллардан сотилиши мумкин.
DrinkMate смартфоннинг USB-портига уланадиган 4,5 сантиметр узунликка эга қурилмадир. У цилиндр шаклига эга ва унга пуфлаб қон таркибидаги алкоголь миқдорини аниқлаш мумкин. Гаджетни оғизга тиқиш шарт эмас, унга фақат нафас етиб борса бўлди.
Изоҳ (0)