Xitoy Xalq Respublikasi O‘zbekistonga umumta’lim maktablarini jihozlash uchun umumiy miqdori 73,5 million dollarga teng grant mablag‘larini ajratadi. Bu haqda O‘zbekiston Respublikasi Tashqi iqtisodiy aloqalar, investitsiyalar va savdo vazirligiga tayanib “RIA Novosti” xabar berdi.
TIAISV vakilining aniqlik kiritishicha, Xitoy hukumatining mablag‘lari “Informatika” va “Chet tillari” fanlari bo‘yicha ta’lim sifatini oshirish uchun 1300 ta sinfxonani multimedia uskunalari bilan jihozlashga yo‘naltiriladi. Loyiha 2014—2016-yillar uchun O‘zbekistonning sherik davlatlar va xalqaro moliya institutlari bilan texnik hamkorligi dasturiga kiritilgan.
O‘zbekiston 2014—2016-yillarda ta’lim, kadrlarni tayyorlash va qayta tayyorlashga 225,6 million dollar hajmida grant yordamini jalb etmoqchi. Ushbu mablag‘ zarur o‘quv uskunalari va texnikalarini sotib olishga sarflanadi.
Izoh (0)