22-avgust kuni uch nafar O‘zbekiston fuqarosining “O‘zbekiston Qahramoni” unvoni, “Oltin yulduz” oliy nishoni bilan taqdirlanishi to‘g‘risida O‘zbekiston Respublikasi Prezidentining farmoni e’lon qilindi. Bu haqda O‘zbekiston Milliy axborot agentligi xabar bermoqda.
O‘zbekiston Respublikasi Prezidentining farmoni:
Vatanimiz mustaqilligini mustahkamlash, uning jahon miqyosidagi shon-shuhratini yuksaltirish borasida davlat va xalq oldidagi ulkan xizmatlari, ishlab chiqarish sohasidagi uzoq yillik fidokorona mehnati hamda yosh avlodni vatanparvarlik va xalqiga sadoqat ruhida tarbiyalashga qo‘shgan katta hissasi uchun quyidagilarga “O‘zbekiston Qahramoni” unvoni berilib, oliy nishon — “Oltin yulduz” medali topshirilsin:
- Bazarov Abdimurat — Qamashi tumanidagi “Bozor o‘g‘li Abdi” fermer xo‘jaligi boshlig‘i, Qashqadaryo viloyati
- Mamatkulov Shukurjon — Oltinko‘l iqtisodiyot kolleji direktori, Andijon viloyati
- Nizamxodjayev Zayniddin Maxamatovich — Akademik V.Vohidov nomidagi Respublika ixtisoslashtirilgan jarrohlik markazi bo‘lim mudiri
Toshkent shahri, 2014-yil 22-avgust
Izoh (0)