22 август куни уч нафар Ўзбекистон фуқаросининг «Ўзбекистон Қаҳрамони» унвони, «Олтин юлдуз» олий нишони билан тақдирланиши тўғрисида Ўзбекистон Республикаси Президентининг фармони эълон қилинди. Бу ҳақда Ўзбекистон Миллий ахборот агентлиги хабар бермоқда.
Ўзбекистон Республикаси Президентининг фармони:
Ватанимиз мустақиллигини мустаҳкамлаш, унинг жаҳон миқёсидаги шон-шуҳратини юксалтириш борасида давлат ва халқ олдидаги улкан хизматлари, ишлаб чиқариш соҳасидаги узоқ йиллик фидокорона меҳнати ҳамда ёш авлодни ватанпарварлик ва халқига садоқат руҳида тарбиялашга қўшган катта ҳиссаси учун қуйидагиларга «Ўзбекистон Қаҳрамони» унвони берилиб, олий нишон — «Олтин юлдуз» медали топширилсин:
- Базаров Абдимурат — Қамаши туманидаги «Бозор ўғли Абди» фермер хўжалиги бошлиғи, Қашқадарё вилояти
- Маматкулов Шукуржон — Олтинкўл иқтисодиёт коллежи директори, Андижон вилояти
- Низамходжаев Зайниддин Махаматович — Академик V.Воҳидов номидаги Республика ихтисослаштирилган жарроҳлик маркази бўлим мудири
Тошкент шаҳри, 2014 йил 22 август
Изоҳ (0)