O‘zbekiston MDH davlatlari orasida so‘nggi o‘n uch yil ichida aholi soni o‘sishi eng yuqori sur’atlarga ega bo‘lgan mamlakat bo‘ldi. Bu haqda MDH Davlatlararo statistika qo‘mitasi ma’lumotlariga tayanib, UzDaily xabar berdi.
Ma’lum bo‘lishicha, 2000-yildan 2013-yilgacha O‘zbekiston fuqarolari 5 million kishiga ortgan va 25 milliondan 30 milliongacha ko‘paygan.
2000—2013-yillarda Qozog‘iston aholisi 2 million kishiga (14,9 milliondan 16,91 millionga), Tojikiston aholisi 1,8 millionga (6,128 milliondan 7,987 millionga), Qirg‘iziston aholisi esa 789 ming kishiga (4,874 milliondan 5,663 millionga) ko‘paygan.
Shu bilan birga, Ukraina aholisi soni 3,7 million kishiga (49,115 milliondan 45,372 millionga) kamaygan. Bunday ko‘rsatkichlar Rossiya (-3,5 million), Belorussiya (-539 ming) va Armanistonda (-200 ming) ham kuzatilgan.
Izoh (0)