Ukrainada mamlakat sharqi uchun to‘plangan birinchi gumanitar yordam kolonnasi Lugansk ostonalariga yetib keldi, deya xabar berdi Euronews.
Qizil Xoch vakillari 800 tonna yukni qabul qilib olganliklarini tasdiqladi va bu mahsulotlarni o‘z yurisdiksiyasi ostiga oldi. Aynan shu xalqaro tashkilot vakillari yordamni bevosita tarqatish bilan shug‘ullanadi.
Rossiyaning kolonnasi esa chegaraning Rossiya tomonida qolmoqda. Moskva, Kiyev va Qizil Xoch yukni Ukraina hududida tashish va taqsimlash bo‘yicha kelishib olganicha yo‘q.
Kiyevda esa vaziyatni Rossiya ko‘magisiz ham hal qila olishlari haqida aytishmoqda. “Ukraina hukumati Rossiya Federatsiyasiga na konvoylar, na gumanitar yordam so‘rab murojaat qilgan. Biz Ukraina fuqarolarini oziq-ovqat mahsulotlari bilan ta’minlash masalalarini o‘zimiz hal qilish imkoniga egamiz”, — dedi Ukraina prezidenti maslahatchisi Irina Gerashchinko.
Izoh (0)