Украинада мамлакат шарқи учун тўпланган биринчи гуманитар ёрдам колоннаси Луганск остоналарига етиб келди, дея хабар берди Euronews.
Қизил Хоч вакиллари 800 тонна юкни қабул қилиб олганликларини тасдиқлади ва бу маҳсулотларни ўз юрисдикцияси остига олди. Айнан шу халқаро ташкилот вакиллари ёрдамни бевосита тарқатиш билан шуғулланади.
Россиянинг колоннаси эса чегаранинг Россия томонида қолмоқда. Москва, Киев ва Қизил Хоч юкни Украина ҳудудида ташиш ва тақсимлаш бўйича келишиб олганича йўқ.
Киевда эса вазиятни Россия кўмагисиз ҳам ҳал қила олишлари ҳақида айтишмоқда. «Украина ҳукумати Россия Федерациясига на конвойлар, на гуманитар ёрдам сўраб мурожаат қилган. Биз Украина фуқароларини озиқ-овқат маҳсулотлари билан таъминлаш масалаларини ўзимиз ҳал қилиш имконига эгамиз», — деди Украина президенти маслаҳатчиси Ирина Герашчинко.
Изоҳ (0)