BMT ekspertlari AQShdagi ommaviy irqiy diskriminatsiya haqida ma’lumotlarni e’lon qildi. Xalqaro tahlilchilar afro-amerikaliklar va boshqa etnik ozchiliklar ijtimoiy sohadagi xizmatlardan foydalanishda qiyinchilikka uchrashini aniqladi. Bu haqda Rossiya tashqi ishlar vazirligiga tayanib, “Rossiyskaya gazeta” xabar berdi.
“Irqiy diskriminatsiyaga chek qo‘yish bo‘yicha qo‘mita a’zolari AQShda mahbuslarda tibbiy preparatlarni sinab ko‘rish, turmalarda ozchilikka tegishli ayollarni majburan sterilizatsiya qilish, oq bo‘lmagan aholiga nisbatan politsiya tomonidan mansabning suiiste’mol qilinishi kabi g‘ayriinsoniy usullar qo‘llanilishini qayd etishdi”, — deyiladi Rossiya TIV xabarida.
Xalqaro kuzatuvchilar Fergyuson shahrida afro-amerikalik o‘spirinning politsiya tomonidan o‘ldirilganiga alohida e’tibor qaratishdi. Bu hodisa ommaviy tartibsizliklarni keltirib chiqargan.
“Amerikalik sheriklarimizga boshqa davlatlarga shubhali tajribalarini majburlab o‘tkazgandan ko‘ra, o‘z mamlakatlaridagi tartibga ko‘proq e’tibor berishni maslahat qilish istagidamiz”, — deya qo‘shimcha qilishdi vazirlikdagilar.
Izoh (0)