Ukraina Oliy Radasi Rossiyaga qarshi 20 dan ortiq turdagi sanksiyalarni kiritish imkoniyatini nazarda tutuvchi qonunni qabul qildi. Bu haqda BBC xabar berdi.
8-avgustda Ukraina hukumati “Sanksiyalar to‘g‘risida”gi qonun loyihasini ma’qullagan edi. 12-avgust, seshanba kuni esa Rada hujjatni birinchi o‘qishdayoq qabul qildi.
Ushbu hujjatning qabul qilinishi maxsus iqtisodiy va cheklov choralarining avtomatik ravishda kiritilishini bildirmaydi, bu ularning joriy qilinishi uchun huquqni asosni yaratadi.
Hujjat aktivlarni bloklash, savdo operatsiyalarini cheklash, shuningdek Ukraina hududi bo‘ylab parvozlar va tashuvlarni qisman yoki to‘liq to‘xtatish imkonini beradi.
Qonun, shuningdek ma’lum bir faoliyat turini amalga oshirish, xususan yer osti boyliklaridan foydalanish uchun litsenziyalarni bekor qilish yoki to‘xtatib qo‘yish uchun huquqiy asos yaratadi.
Izoh (0)