Madridda Ebola bezgagidan vafot etgan ispaniyalik ruhoniy Migel Paxares xotirasiga ibodat bo‘lib o‘tdi. 75 yoshli ruhoniy xavfli kasallikni Liberiyada yuqtirgan. Shifokorlar uni AQShdan keltirilgan sinovdagi zardob bilan davolamoqchi bo‘lishgan, biroq u kasallikni yenga olmagan.
Euronews yozishicha, bezgak Ispaniyada tarqalib ketmasligi uchun marhumning jasadini yormasdan kuydirishgan.
Kot-d’Ivuarda Ebola tarqalishini to‘xtatish maqsadida Gvineya, Liberiya va Syerra-Leone aviareyslarining mamlakatga kirishi taqiqlab qo‘yildi.
Germaniya hukumati tezkor tartibda o‘z fuqarolarini ushbu davlatlardan chaqirib olmoqda. Mazkur talab diplomatik missiya xodimlari va shifokorlargagina tegishli emas.
Ebola bezgagi qurbonlari soni mingdan oshib ketdi, yana ikki mingga yaqin kishi kasallikni yuqtirib olgan. Eng ko‘p qurbonlar Gvineya, Liberiya va Syerra-Leoneda qayd etilgan.
Ma’lumot uchun, Ebola bezgagi qon, turli ajralma (ter, yiring kabi)lar, shuningdek, bemorning zaharlangan buyumlari orqali yuqib, o‘limga olib kelishi mumkin. Hozircha mazkur kasallikka qarshi davo vositasini ishlab chiqish borasidagi harakatlar samara bermadi.
Izoh (0)