Gruziya sobiq prezidenti Mixail Saakashvili yangi ayblov — davlat mablag‘lari kamomadi bo‘yicha javobgarlikka tortildi. Bu haqda mamlakat Bosh prokuraturasiga tayanib, Newsgeorgia.ru xabar berdi.
Gap Saakashvili buyrug‘i bilan Gruziya davlat maxsus qo‘riqlov xizmati tomonidan noqonuniy ravishda sarflab yuborilgan 8,8 million lari (taxminan 5 million dollar) haqida bormoqda. Prokuraturaning ta’kidlashicha, pullar oshpaz, massajchi, mehmonxona xizmatlari, Italiyada yaxta ijarasi uchun sarflangan.
Ayblovlar tasdiqlangan holda, Saakashvili 7 yildan 11 yilgacha ozodlikdan mahrum etilishi mumkin.
Izoh (0)