Isroil va G‘azo sektorida hukmronlik qilayotgan HAMAS harakati yarash sulhini yana besh kunga cho‘zish haqida kelishib oldi. Bunday qarorga Qohiradagi konsultatsiyalar chog‘ida kelindi. Asosiy muammoli masalalar bo‘yicha esa jiddiy progressga erishilganicha yo‘q, deya xabar berdi Euronews.
Yangi yarash sulhi buzilish xavfi ostida edi. 13-avgust, chorshanba kuni o‘sha paytda amalda bo‘lgan kelishuv muddati tugashiga ikki soat qolganida Isroil hukumati mamlakat janubiga G‘azo sektori tomonidan raketa yog‘dirilayotganini ma’lum qilgan. Biroq HAMAS bunga aloqadorligini rad etgan.
Misrlik vositachilar barqaror yarashuvga erishish uchun zo‘r berib harakat qilmoqda. Falastin delegatsiyasining muzokaralar chog‘ida ma’lum qilishicha, o‘t ochishni to‘xtatish rejimi konsultatsiyalar uchun vaqtdan yutish maqsadida uzaytirilgan.
Izoh (0)