Saudiya Arabistoni Isroilning harbiy operatsiyalari chog‘ida vayron qilingan G‘azo sektori uchun 580 million dollar ajratadi. Bu haqda qirollik tashqi ishlar vaziriga tayanib, “ITAR-TASS” xabar berdi.
Qirol farmoyishiga muvofiq, mablag‘ning 80 million dollari falastinliklarga tibbiy yordam ko‘rsatish uchun, 500 million dollari sektorni qayta tiklash uchun yo‘naltiriladi.
Ar-Riyodning fikricha, Isroilning asosiy maqsadi “Falastindagi hayotni tag-tomiri bilan yo‘q qilish”ga erishishdir. “Isroilni javobgarlikka tortmasak, u o‘z maqsadi yo‘lidan og‘maydi”, — deya ta’kidladi vazir. U arab davlatlari G‘azo sektoridagi qarama-qarshilikka butunlay chek qo‘yishga erishish yo‘lida birlashishi kerakligini qo‘shimcha qildi.
Izoh (0)