Qrimda navbatdan o‘tib ketmoqchi bo‘lgan Davlat dumasi deputati mashinasini ag‘darib yuborishgani haqidagi xabar tasdiqlanmadi

12-avgust kuni Qrimning Kerch bandargohida paromga navbatda turgan haydovchilar tirbandlikdan o‘tib ketmoqchi bo‘lgan Davlat dumasi deputatining avtomashinasini ag‘darib yuborgani haqida xabarlar tarqaldi.

Bu haqda Qrim rahbari vazifasini vaqtincha bajaruvchi Sergey Aksenov majlis chog‘ida ma’lum qilgan, keyinroq Qrim transport vazirligi deputatning shaxsini oshkor qilib, uning Ilya Ponomaryov ekanligini aytgan.

Biroq Davlat dumasining boshqa bir deputati Dmitriy Gudkov ushbu ma’lumotning uydirma ekanini o‘z Twitter’ida yozib qoldirgan.

https://twitter.com/gudkovd/statuses/499184419006349312

Kerch kechuvi joylashgan Temryuk tumani rahbari Ivan Vasilevskiy ham bunday voqea sodir bo‘lmaganini ta’kidladi. U tuman politsiyasi hujjatlarida 11-avgust kuni vakil avtomobili ishtirokidagi yo‘l-transport hodisasi haqida hech qanday ma’lumot yo‘qligini aytdi.

12-avgust kuni kechqurun Ponomaryovning o‘zi ham Twitter’da Qrimga bormaganini yozib, vaziyatga oydinlik kiritdi.

https://twitter.com/iponomarev/statuses/499220438233276416