Қримда навбатдан ўтиб кетмоқчи бўлган Давлат думаси депутати машинасини ағдариб юборишгани ҳақидаги хабар тасдиқланмади

12 август куни Қримнинг Керчь бандаргоҳида паромга навбатда турган ҳайдовчилар тирбандликдан ўтиб кетмоқчи бўлган Давлат думаси депутатининг автомашинасини ағдариб юборгани ҳақида хабарлар тарқалди.

Бу ҳақда Қрим раҳбари вазифасини вақтинча бажарувчи Сергей Аксенов мажлис чоғида маълум қилган, кейинроқ Қрим транспорт вазирлиги депутатнинг шахсини ошкор қилиб, унинг Илья Пономарёв эканлигини айтган.

Бироқ Давлат думасининг бошқа бир депутати Дмитрий Гудков ушбу маълумотнинг уйдирма эканини ўз Twitter’ида ёзиб қолдирган.

https://twitter.com/gudkovd/statuses/499184419006349312

Керчь кечуви жойлашган Темрюк тумани раҳбари Иван Василевский ҳам бундай воқеа содир бўлмаганини таъкидлади. У туман полицияси ҳужжатларида 11 август куни вакил автомобили иштирокидаги йўл-транспорт ҳодисаси ҳақида ҳеч қандай маълумот йўқлигини айтди.

12 август куни кечқурун Пономарёвнинг ўзи ҳам Twitter’да Қримга бормаганини ёзиб, вазиятга ойдинлик киритди.

https://twitter.com/iponomarev/statuses/499220438233276416