Portugaliyada sayyohlar juftligi selfi tushirmoqchi bo‘lib, 80 metrli balandlikdan tushib ketdi, deya xabar berdi The Daily Mirror. Polshalik er-xotin Kabo-da-Roka burnida halokatga uchradi. Fojiaga ularning besh va olti yoshli farzandlari guvoh bo‘ldi.
Noqulay ob-havo sharoiti tufayli juftlik murdalarini hodisaning ertasi kuni topishdi. Portugaliya politsiyasi er-xotinning ruxsat etilgan xavfsiz hududdan chiqib ketganini taxmin qildi.
Fojia guvohlariga aylangan bolalar Polsha diplomatlari qaramog‘i ostiga o‘tdi, ularga ruhiy madad berilmoqda.
Kabo-da-Roka burni Yevrosiyo qit’asining eng g‘arbiy nuqtasidir. U Atlantika okeani sathidan 140 metr balandlikda joylashgan. Bu sayohatchilar orasida ommabop joy bo‘lib, pochta bo‘limi, restoran va esdalik sovg‘alar do‘konini o‘z ichiga oladi.
Izoh (0)