Португалияда сайёҳлар жуфтлиги селфи туширмоқчи бўлиб, 80 метрли баландликдан тушиб кетди, дея хабар берди The Daily Mirror. Польшалик эр-хотин Кабо-да-Рока бурнида ҳалокатга учради. Фожиага уларнинг беш ва олти ёшли фарзандлари гувоҳ бўлди.
Ноқулай об-ҳаво шароити туфайли жуфтлик мурдаларини ҳодисанинг эртаси куни топишди. Португалия полицияси эр-хотиннинг рухсат этилган хавфсиз ҳудуддан чиқиб кетганини тахмин қилди.
Фожиа гувоҳларига айланган болалар Польша дипломатлари қарамоғи остига ўтди, уларга руҳий мадад берилмоқда.
Кабо-да-Рока бурни Евросиё қитъасининг энг ғарбий нуқтасидир. У Атлантика океани сатҳидан 140 метр баландликда жойлашган. Бу саёҳатчилар орасида оммабоп жой бўлиб, почта бўлими, ресторан ва эсдалик совғалар дўконини ўз ичига олади.
Изоҳ (0)