Ukraina sharqida Malayziya havo yo‘llarining “Boing” samolyoti qulashi natijasida halok bo‘lganlar uchun motam Avstraliyada 7-avgust kuni bo‘lib o‘tadi. Bu haqda mamlakat bosh vaziri Toni Ebbott rasmiy saytiga asoslanib, “RIA Novosti” xabar berdi.
Xabarda aytilishicha, 7-avgust kuni mamlakatdagi barcha hukumat muassasalarida, shuningdek Avstraliyaning chet ellardagi vakolatxonalarida davlat bayroqlari tushiriladi. Melburndagi Avliyo Patrik soborida esa milliy xotira ibodati bo‘lib o‘tadi.
Eslatib o‘tamiz, 17-iyul kuni Amsterdamdan Kuala-Lumpurga parvoz qilayotgan Malayziya yo‘lovchi samolyoti Donetsk viloyatida halokatga uchradi. Natijada bortdagi 298 kishining barchasi qurbon bo‘ldi. Ularning 38 tasi Avstraliya fuqarolari bo‘lgan.
Izoh (0)