Украина шарқида Малайзия ҳаво йўлларининг «Боинг» самолёти қулаши натижасида ҳалок бўлганлар учун мотам Австралияда 7 август куни бўлиб ўтади. Бу ҳақда мамлакат бош вазири Тони Эбботт расмий сайтига асосланиб, «РИА Новости» хабар берди.
Хабарда айтилишича, 7 август куни мамлакатдаги барча ҳукумат муассасаларида, шунингдек Австралиянинг чет эллардаги ваколатхоналарида давлат байроқлари туширилади. Мельбурндаги Авлиё Патрик соборида эса миллий хотира ибодати бўлиб ўтади.
Эслатиб ўтамиз, 17 июль куни Амстердамдан Куала-Лумпурга парвоз қилаётган Малайзия йўловчи самолёти Донецк вилоятида ҳалокатга учради. Натижада бортдаги 298 кишининг барчаси қурбон бўлди. Уларнинг 38 таси Австралия фуқаролари бўлган.
Изоҳ (0)