Jahon chempionatining eng yaxshi to‘purari Kolumbiya terma jamoasi yarim himoyachisi Xames Rodriges bo‘ldi. Yarim himoyachi 5 ta uchrashuvda 6 ta gol urgan, deb yozadi Uff.uz.
Germaniya terma jamoasi hujumchisi Tomas Myuller esa beshta gol bilan ikkinchi o‘rinda qoldi.
Mundialning eng yaxshi darvozaboni sifatida Manuel Noyer tan olindi. Germaniya terma jamoasi darvozaboni 7 uchrashuvda 4 ta gol o‘tkazib yuborgan. Shuningdek to‘rtta uchrashuvda o‘z darvozasi daxlsizligini saqlab qolgan.
Jahon chempionatining eng yaxshi futbolchisi deb Lionel Messi tan olindi. Argentinalik hujumchi mundialda 4 ta gol kiritib, bitta golli uzatmaga mualliflik qilgan. Biroq Messi barcha gollarini guruh bosqichida kiritgan. Argentinaliklar guruhda Bosniya va Gersegovina (2:1), Eron (1:0) va Nigeriyani (3:2) mag‘lubiyatga uchratganlar. Messi yagona golli uzatmasini 1/8 finalda Shveysariyaga qarshi o‘yinda amalga oshirgan (1:0).
Izoh (0)