JCh — 2014 musobaqasi 3-o‘rni uchun kechgan Braziliya hamda Gollandiya terma jamoalari o‘rtasidagi bahs o‘z nihoyasiga yetdi. Unda Lui van Gal shogirdlari yirik 3:0 hisobida g‘olib bo‘lishdi. Bu haqda Uff.uz xabar berdi.

Uchrashuvning 2-daqiqasidayoq hakam Robbenga Tyago Silva tomonidan ishlatilgan qo‘pollik uchun penalti belgiladi. 11 metrli nuqtaga yaqinlashgan Robin van Persi mo‘ljaldan adashmadi,1:0.

16-daqiqaga kelib David Luiz to‘pni qaytarishda xatoga yo‘l qo‘ydi. Deyli Blind bo‘lsa raqiblaridan qaytgan to‘pni Sezar darvozasiga aniq yo‘lladi, 2:0.

Shu tariqa, o‘zlari uchun juda qulay hisobga ega bo‘lgan gollandlar o‘yinni katta mahorat bilan nazorat qilishdi.

Ikkinchi bo‘limda braziliyaliklar ancha xavfli hujumlar uyushtirishganiga qaramay hakam tomonidan qo‘shib berilgan vaqtda Yanmatning uzatmasidan so‘ng Veynaldum hisobni yirik 3:0 ko‘rinishiga olib keldi.

Shu tariqa, Gollandiya JCh — 2014 musobaqasida 3-o‘rinni, Braziliya bo‘lsa mos ravishda 4-o‘rinni qo‘lga kiritdi.

JCh — 20143-o‘rin uchun bahs

Braziliya – Gollandiya 0:3 (0:2, 0:1)Gollar: 0:1 – 3, penalti van Persi, 0:2 – 16 Blind, 0:3 – 90 Veynaldum.Braziliya – Julio Sezar, Maykon, Silva, David Luiz, Maksvell, Paulino (Ernanes, 57), L. Gustavo (Fernandino, 46), Villian, Oskar, Ramires (Xalk, 73), Jo.Gollandiya – Silessen (Vorm, 90), de Vrey, Vlar, Blind (Yanmat, 70), Kyuyt, Veynaldum, Klasi (Veltman, 90), Martins Indi, de Guzman, van Persi, Robben.Ogohlantirishlar: Silva (2), Robben (9), de Guzman (36), Fernandino (54), Oskar (68).