Bangladeshlik fermer Amjad Husayn tarixda ro‘yxatga olingan eng uzun Germaniya bayrog‘ini tikdi. Uning uzunligi 3500 metrdan oshiqdir, deya xabar berdi Interfax. Shu yo‘l bilan bangladeshlik jahon chempionati finaliga chiqqan Germaniya terma jamoasini qo‘llab-quvvatlamoqchi bo‘ldi.
Germaniyaning Dakkadagi elchisi Ferdinand Vayye bayroqni ko‘rish uchun tashrif buyurdi. Husaynning aytishicha, u 2005-yilda uzoq davom etgan kasallikdan nemis dorisi yordamida tuzalgach, Germaniya termasiga muxlislik qila boshlagan.
Bayroq ustidagi ishlarni tugatish uchun fermer o‘z yerlarining bir qismini sotishga majbur bo‘lgan. Uni tikish uchun jami 3 ming dollar sarflangan.
Vayye Husaynga uning Germaniya termasi rasmiy fan-klubining butun umrlik a’zosi ekanligini tasdiqlovchi yorliq topshirdi.
Izoh (0)