11-iyul, juma kuni Youtube’da Shimoliy Koreya davlat yangiliklar xizmati efirining lavhasi paydo bo‘ldi. Unda KXDRning futbol bo‘yicha terma jamoasi Braziliyada bo‘lib o‘tgan jahon chempionatida pley-offga muvaffaqiyatlar bilan yetib kelgani, endi Portugaliya bilan o‘yinga tushishi aytiladi.
Kanadaning CBC nashri yozishicha, ushbu xabarda uchta fakt xato. Avvalo, guruh bosqichi ikki hafta oldin yakunlangan. Ikkinchidan, Portugaliya pley-off bosqichiga chiqa olmadi. Va nihoyat, Shimoliy Koreya 2014-yildagi jahon chempionatida qatnashmadi.
Yahoo Sport videolavhada teleboshlovchi gapirgan matn uning lab qimirlashi bilan to‘g‘ri kelmaganini aytmoqda. Ko‘rsatuv efirida yangragan aksent esa Shimoliy Koreyaga tegishli emas. Bundan tashqari, JCh — 2014 musobaqalari KXDRda ham translyatsiya qilingan bo‘lib, mamlakat aholisi o‘z termasining chempionatga chiqmaganidan xabardor.
Izoh (0)