Fransiya politsiyasi 29 yoshli jazoirlik Ali M.ni hibsga olib, u Luvr, Eyfel minorasi va atom elektr stansiyasiga amalga oshirmoqchi bo‘lgan teraktlar oldini oldi. Bu haqda France 24 telekanaliga asoslanib, “RIA Novosti” xabar berdi.
Fransiya janubidagi Voklyuz departamentida yashovchi jazoirlik qassob va ikki farzandning otasi o‘tgan yilning iyunida jinoiy til biriktirishda gumon qilinib, hibsga olingan edi. Politsiya Ali “Islom mag‘ribi davlatlaridagi Al-Qoida” terroristik guruhi a’zolari bilan almashgan shifrlangan xabarlarni qo‘lga kiritishga muvaffaq bo‘ldi. Unda Ali fransuzlar ko‘p to‘planadigan joylar, jumladan barlar, tungi klublar, tarixiy obidalar, AES, samolyotlarga hujum uyushtirishni taklif qilgan.
Teraktdan oldin u Jazoirga borib guruh yetakchilari bilan uchrashib, o‘quv mashg‘ulotlarida qatnashishi kerak bo‘lgan. Jazoirga uchib ketishidan bir hafta avval Ali hibsga olingan. Bir yildan buyon u sudni kutmoqda.
Izoh (0)