Франция полицияси 29 ёшли жазоирлик Али М.ни ҳибсга олиб, у Лувр, Эйфель минораси ва атом электр станциясига амалга оширмоқчи бўлган терактлар олдини олди. Бу ҳақда France 24 телеканалига асосланиб, «РИА Новости» хабар берди.
Франция жанубидаги Воклюз департаментида яшовчи жазоирлик қассоб ва икки фарзанднинг отаси ўтган йилнинг июнида жиноий тил бириктиришда гумон қилиниб, ҳибсга олинган эди. Полиция Али «Ислом мағриби давлатларидаги Ал-Қоида» террористик гуруҳи аъзолари билан алмашган шифрланган хабарларни қўлга киритишга муваффақ бўлди. Унда Али французлар кўп тўпланадиган жойлар, жумладан барлар, тунги клублар, тарихий обидалар, АЭС, самолётларга ҳужум уюштиришни таклиф қилган.
Терактдан олдин у Жазоирга бориб гуруҳ етакчилари билан учрашиб, ўқув машғулотларида қатнашиши керак бўлган. Жазоирга учиб кетишидан бир ҳафта аввал Али ҳибсга олинган. Бир йилдан буён у судни кутмоқда.
Изоҳ (0)