AQShdagi professional jurnalistika tashkilotlarining birvarakayiga 38 tasi mamlakat prezidenti Barak Obamaga murojaatnoma yuborib, Amerika hukumati faoliyati haqidagi “yangilik yoki boshqa ma’lumotlarning siyosiy sabablarga ko‘ra iskanjaga olinishi”ga qarshi chiqdi. Bu haqda “ITAR-TASS” xabar berdi.
Jurnalistlar Obama endi hokimiyat tepasiga kelganida hukumatni Amerika tarixidagi “eng shaffof (transparent)”iga aylantirishga va’da berganini eslatishdi. Hukumat faoliyatining haqqoniy ravishda ochib berilishi ustidan nazorat olib boruvchi ombudsmenlik lavozimini joriy qilishni taklif etishdi.
Oq uy bunday tanqidlarga birinchi bora uchrayotgani yo‘q. Obama avval ham tashqi siyosat va milliy xavfsizlik sohasida axborot iskanjaga olinayotgani hamda kishilar ustidan qattiq nazorat o‘rnatilgani yuzasidan qoralangan.
Izoh (0)