Worldreferee.com saytida futbol bo‘yicha Braziliyada o‘tayotgan jahon chempionati hakamlarining oxirgi to‘plagan ballariga ko‘ra, Ravshan Ermatov ikkinchi o‘rinda bormoqda.
O‘zbekistonlik FIFA referisi Byorn Kyoypers (Gollandiya) bilan bir xil — 7,7 ball to‘plab, undan keyingi o‘rinni band qildi. Turkiyalik Juneyt Chakir (7,6 ball), argentinalik Nestor Pitana (7,4 ball) va boshqalar qolgan pog‘onalarni egallagan.
Avvalroq Ermatov 7,8 ball bilan mundial matchlarini boshqargan hakamlar ichida uchinchi o‘rinni egallagan edi.
Eslatib o‘tamiz, 26-iyun kuni Ravshan Ermatov Germaniya va AQSh jamoalari o‘rtasidagi bahsga hakamlik qildi. Bu uning jahon chempionatlaridagi sakkizinchi matchi bo‘ldi.
Hamyurtimiz u kabi sakkizta uchrashuvni boshqargan Joel Kinyu (Fransiya), Xorxe Larrionda (Urugvay) va Benito Archundia (Meksika)lar rekordini takrorladi.
Ta’kidlash joiz, Worldreferee.com sayti futbol o‘yinlaridagi arbitrlarning faoliyatlarini baholash bilan shug‘ullanadi. Ularga sayt muxbirlari va a’zolari ball qo‘yadi.
Izoh (0)