JCh — 2014 nimchorak final bosqichidan o‘rin olgan Belgiya – AQSh uchrashuvi o‘z nihoyasiga yetdi. Tomonlar g‘olib nomini asosiy vaqtda aniqlay olishmadi va hakam 15 daqiqalik ikkita qo‘shimcha bo‘limlar tayinladi. Yakunda Yevropa qit’asi vakillari, belgiyaliklar qiyin bo‘lgan g‘alabani qo‘lga kiritishdi, deya xabar berdi Uff.uz.
Uchrashuv AQShning juda tartibli o‘yini bilan boshlanganiga qaramay, belgiyaliklar tinmay Xovard darvozasi oldida xavfli vaziyatlar yaratishdi. Biroq amerikalik posbon bu uchrashuvda 10 dan ortiq seyvlarni amalga oshirdi.
Ikkinchi bo‘lim esa to‘liq Belgiya jamoasi ustunligida o‘tdi, biroq Origi ko‘plab vaziyatlardan unumli foydalana olmadi.
Qo‘shimcha bo‘limlarda bo‘lsa jamoalar darvoza tomon yo‘l topa bilishdi. 93-daqiqada de Bryune hisobni ochgan bo‘lsa, 105-daqiqada zaxiradan maydonga tushgan Lukaku hisobni 2:0 ko‘rinishiga olib keldi.
107-daqiqadagi Grinning kiritgan goli bo‘lsa AQSh termasiga kelasi bosqichni taqdim etmadi.
Shu tariqa Belgiya JCh — 2014 musobaqasi chorak finaliga yo‘l oldi. Mazkur bosqichda ularga Argentina raqiblik qiladi.
JCh —20141/8 final bosqichi
Belgiya – AQSh 2:1 (0:0)Gollar: 1:0 – 93 de Bryuyne, 2:0 – 105 Lukaku, 2:1 – 107 Grin.Belgiya – Kurtua, Alderveyreld, van Beyten, Kompani, Vertongen, Fellayni, Vitsel, Mertens (Miralyas, 60), de Bryuyne, E. Azar (Shadli, 111), Origi (Lukaku, 91).AQSh – Xovard, Jonson (Yedlin, 32), Kemeron, Bezler, Gonsales, Bisli, Bredli, J. Jons, Bedoyya (Grin, 105), Zusi (Vondolovski, 72), Dempsi.Ogohlantirishlar: Kemeron (18), Kompani (42).
Izoh (0)