JCh — 2014 nimchorak finali doirasidagi Fransiya – Nigeriya uchrashuvi o‘z nihoyasiga yetdi va unda Yevropa qit’asi vakillari kelasi bosqich masalasini hal qilishdi.
Uff.uz xabar berishicha, uchrashuv birinchi bo‘limi xavfli vaziyatlarga boy bo‘lmadi. Jamoalar ehtiyotkorlik bilan harakat qilishdi va raqib o‘yinini o‘rganish uchun ko‘p vaqt sarflashdi.
Shu sabab birinchi bo‘limda tomonlar gol kirita olishmadi, biroq Nigeriyaning hujumlari soni ko‘proq va sifati yuqoriroq edi.
Ikkinchi bo‘limdan fransiyaliklar o‘yin tizginini o‘z qo‘llariga olishdi va ko‘plab xavfli hujumlar tashkil etishdi.
Valbuenaning ajoyib o‘yini yakunda gol keltirdi. Aynan past bo‘yli yarim himoyachining burchakdan tashlab bergan to‘pini Pol Pogba boshi bilan darvoza tomonga yo‘llab qo‘ydi, 1:0.
Hakam tomonidan qo‘shib berilgan daqiqalarda yana Valbuena Benzema bilan burchakdan to‘pni o‘yinga kiritishdi, yarim himoyachining jarima maydonga tashlab bergan to‘pini Yobo o‘z darvozasiga kiritib yubordi, 2:0.
Shu tariqa, Fransiya JCh — 2014 musobaqalari chorak finaliga yo‘l oldi, mazkur bosqichda ularga Germaniya – Jazoir uchrashuvi g‘olibi raqib bo‘ladi.
JCh — 20141/8 final bosqichi
Fransiya – Nigeriya 2:0 (0:0, 2:0)Gollar: 1:0 – 79 Pogba, 2:0 – 90, avtogol Yobo.Fransiya – Loris, Debyushi, Varan, Koselni, Evra, Kabay, Pogba, Matyuidi, Valbuena (Sissoko, 90), Jiru (Grizmann, 62), Benzema.Nigeriya – Enema, Embrouz, Omeruo, Yobo, Oshaniva, Onazi (Gabriel, 59), Obi Mikel, Odemvingi, Mozes (Nvofor, 89), Musa, Emenike.Ogohlantirishlar: Matyuidi (54).
Izoh (0)